O concello de Vigo recibiu a aprobación da Dirección Xeral de Patrimonio para as obras de rehabilitación dos pazos das Raposeiras e da Pastora. No caso das Raposeiras, o concello deberá realizar sondaxes arqueolóxicas como paso previo á propia rehabilitación. O proxecto terá un importe de 1,4 millóns de euros de fondos europeos aos que se lle suman 350.000 procedentes dos propios orzamentos municipais.O pazo é de titularidade municipal desde 2013. É unha obra do século XVII, con profundas reformas posteriores. O pazo da Pastora tamén terá unha reforma do seu muro perimetral, que se atopa en mal estado.
