A Dirección Xeral de Patrimonio da Xunta autorizou ao concello de Vigo a proseguir coa rehabilitación do chalé de Mirambell como futuro centro de interpretación da vila galaicorromana de Toralla. As sondaxes previas revelaran estruturas arqueolóxicas romanas nos alicerces do chalé e precisábase o permiso de Patrimonio para continuar. O tempo de resolución protagonizara unha polémica entre o concello olívico e a Consellería de Cultura porque Vigo precisa executar a obra antes de novembro se non quere perder o investimento ofrecido polo Ministerio de Cultura.
