As seis catas realizadas no interior do histórico chalé da finca Mirambell, en Vigo, destinadas a determinar se existen máis achados no que sería o futuro centro de interpretación da vila romana amosaron a existencia de máis construcións de época romana por debaixo do inmoble. O alcalde de Vigo, Abel Caballero, sinalou que "hai que alterar a idea para poñer en valor estes restos que poden ser de gran envergadura". O rexedor anunciou que os cambios poden ser mesmo de non realizar o centro de interpretación como tal e apostar por un modelo de musealización ao aire libre. O concello de Vigo recibiu unha subvención dun millón de euros por parte do Ministerio de Cultura para musealizar e recuperar o sitio arqueolóxico.
