A revista Compostellanum, editada pola Sección de Estudos Xacobeos da Arquidiócese de Santiago de Compostela, acaba de publicar os números 3-4 do volume 67, correspondentes a xullo-decembro de 2022. Entre os artigos publicados, destaca a análise realizada por Ramón Yzquierdo Perrín do Coro do Mestre Mateo na catedral de Santiago, do que hoxe só se conservan fragmentos, e co cal o xenial construtor daba por rematado o templo románico. O artigo estuda tamén os procesos de reconstrución posterior. Tamén Ismael Arevalillo presta atención ao convento agustino de Sarria, fundado no século XIII, e Juan Félix Neira Pérez estuda as alteracións da notable igrexa románica de Mens no século XIX, entre outros artigos.
