Quiosco: Compostellanum LXIII, números 3-4

Saíu do prelo un novo número da revista Compostellanum, a veterana revista da arquidiócese de Santiago de Compostela, dedicada á sección de estudos xacobeos. Trátase dos números 3-4 do volume LXIII correspondente ao ano 2018. O número contén, entre outros contidos, un estudo de Xosé M. Sánchez Sánchez, que repasa a información existente sobre o soterramento do bispo Xelmírez na Catedral. Sean J. Murphy estuda a peregrinaxe irlandesa a Santiago de Compostela e José Ramón Hernández Figueiredo escribe sobre "O Camiño de Santiago e San Martín de Tours. Achegas á memoria histórica sobre a via turonensis".