Quiosco: Ad limina número 7

Ad limina é unha revista editada pola SA de Xestión do Xacobeo dedicada á publicación de "estudos que tradicionalmente tiveron cabida na maior parte das publicacións científicas xacobeas" ao redor de dous eixos: Santiago e a civilización da peregrinación en xeral. Acaba de publicarse o número 7 con achegas de Victoriano Nodar, sobre unha representación do Apóstolo Santiago nun capitel da catedral, Juan Antonio Olañeta sobre os modelos de representación do profeta Daniel, ou Rosanna Bianco que estuda a Puglia no Camiño de Santiago.