Foto: Xunta
Román Rodríguez, conselleiro de Cultura, visitou esta mañá o mosteiro de Carboeiro (Silleda) para escenificar as xestións da Xunta co Museo Frederic Marès de Barcelona co obxectivo de reclamar de volta dúas das esculturas que foran substraídas do tímpano na década dos 50. Foi o investigador Francisco Prado Vilar quen publicara en La Voz de Galicia un conxunto de documentación que permite defender que as figuras foron roubadas do mosteiro en 1957 e, xa que logo, poden ser reclamadas. O conselleiro de Cultura explicou que se puxo en contacto persoalmente co director do Museo a partir da publicación desta documentación e que este se amosou "moi favorable" ás xestións da Xunta a partir da documentación presentada pola Xunta. O conselleiro tamén indicou que as pezas, no caso de seren devoltas polo museo catalán, deberan volver para o propio mosteiro de Carboeiro.
