A coincidir este 4 de xaneiro coa conmemoración de trinta anos do pasamento de Carlos Díaz O Xestal, diferentes entidades de Carballo inician a celebración do ano dedicado á figura deste humorista e activista cultural. Deste xeito, xa este día 3 o Coro Aires de Bergantiños, do que foi membro fundador o homenaxeado, intervirá nunha misa cantada na igrexa de San Xoán Bautista.
Desde a comisión organizadora do Ano do Xestal, participada polo Concello, convocan para o propio día catro unha ofrenda floral na tumba do Xestal no cemiterio parroquial de Razo, no que participarán o dinamizador cultural Xurxo Souto, o alcalde de Carballo, Evencio Ferrero, e a Banda Municipal de Gaitas.
.jpg)
