Pasou o ano no que foi homenaxeado no Día das Letras mais a homenaxes a Ricardo Carballo Calero continúan. Arredor deste 25 de marzo, cando se cumpren 31 anos do seu pasamento, diferentes eventos celebran o filólogo e reivindican o seu legado. Deste xeito, a Federación Galiza Cultura desenvolve nesta data a xornada Carvalho, Lingua e Terra. Na mesma proxectarase o audiovisual homónimo que conta coas intervencións de María Victoria Carballo-Calero Ramos e unha conferencia de Manuel Castelao Mexuto e Mª Pilar García Negro.
No mesmo día, ás 20:40 horas celebrase en liña un coloquio cos conferenciantes e representantes das asociacións culturais integradas neste colectivo. A entidade publicou tamén na rede unha banda deseñada Amigo Carvalho. Do Haley ao Hubble, na que Pepe Carreiro repasa a biografía do autor homenaxeado.
Tamén o día 25 un vídeo-recital artellado por diferentes entidades de Ferrol reivindicará a declaración da casa natal do homenaxeado como Ben de Interese Cultural. Desde esta mesma cidade, a Fundaçom Artábria celebra o autor o vindeiro día 27 a partir das 12:30 horas cun programa que inclúe unha ofrenda floral, música tradicional e unha intervención poética a cargo de Loreto de Castro e Omar Calderón.
