O centenario do pasamento de Eduardo Pondal, o 120 aniversario do nacemento de Eduardo Blanco Amor, os 100 anos do poemario Da terra asoballada, de Ramón Cabanillas, os 180 do nacemento de López Ferreiro, o 115 aniversario da chegada ao mundo de Plácido Castro ou o 150 de Manuel Portela Valladares son algunhas da conmemoracións que marcan o Calendario do Libro e da Lectura para 2017. A Secretaría Xeral de Cultura presentaba onte, 1 de xaneiro, esta publicación, na que se lembran tamén os 50 anos do pasamento de María Mariño ou o Día das Artes Galegas, que homenaxeará nesta ocasión a Maruja Mallo. A celebración do Día do Usuario/a das Bibliotecas, abre as datas de conmemoración arredor do libro este 11 de xaneiro.
