A Xunta presenta o calendario 2018 do libro e a lectura

A Xunta presentou o calendario 2018 do libro e a lectura, distribuído en formato electrónico e posteriormente tamén en papel ata os centros vinculados. O calendario é un instrumento de planificación das accións de difusión e divulgación do libro e da cultura que neste ano destaca os 50 anos da publicación d’A galiña azul de Carlos Casares, o 70º aniversario do discurso “Alba de gloria” que Castelao pronunciou en Buenos Aires, o 90º aniversario do poemario De catro a catro, de Manuel Antonio, ou os 130 anos do nacemento de Otero Pedrayo.