O castro de Arxeriz
O castro de Arxeriz, propiedade da Fundación Xosé Soto de Fión (O Saviñao) volverá ser escavado en 2023, logo das últimas intervencións nas que se construíron, no exterior do poboado, réplicas de vivendas da fortificación. Para a nova campaña, a Deputación de Lugo concedeu á Fundación Xosé Soto unha subvención de 39.000 euros. Con ela consolidaranse varias estruturas xa exhumadas previamente no castro, como graneiros e vivendas, e abriranse novas sondaxes en estruturas das que aínda non se determinou a súa función.
