O Museo de Pontevedra destinará o convento de Santa Clara á súa colección arqueolóxica

O convento de Santa Clara (Pontevedra) acollerá o Centro de Xestión Integral da Colección Arqueolóxica do Museo de Pontevedra. Así figura no concurso internacional que convoca a Deputación de Pontevedra para a selección do proxecto de rehabilitación do inmoble. Segundo o Faro de Vigo, isto significará acoller a colección arqueolóxica hoxe localizada no Edificio Sarmiento. Trátase dunha das coleccións arqueolóxicas máis significativas e de máis influencia historiográfica de Galicia. O proxecto de ampliación inclúe un programa de ampliación que engadirá aos 5705 metros cadrados de superficie construída actual outros 3.500 metros cadrados. O proxecto tamén incluirá a demolición de engadidos da segunda metade do século XX que suman 277 metros.