O Museo de Pontevedra unirá os seus edificos históricos cun soto

A Deputación de Pontevedra continúa a súa aposta por ampliar as instalacións do Museo de Pontevedra. Logo de anunciar a construción dun novo edificio para albergar a colección arqueolóxica do centro, o vicepresidente do organismo provincial, César Mosquera, presentaba este 26 de novembro un proxecto para os tres edificios históricos da institución museística, coñecidos como Castro Monteagudo, García Flórez e Fernández López.

A proposta prevé construír un soto en dous niveis a conectar as tres sedes históricas do Museo, situadas no casco histórico pontevedrés. A actuación desenvolverase como complemento da rehabilitación interior destas edificacións. O proxecto duplicará a actual superficie dispoñible neste conxunto, que pasará de 1.945 metros a 3.845.

A solución prevista pretende crear unha zona de acceso única ao tempo que se recupera a configuración orixinal dos edificios e se aproveita a maior superficie útil para "activar coleccións e pezas que non están en exhibición". A intención e comezar as obras medidados de 2021, cun coste previsto de 2.500 euros por metro cadrado de actuación. A Deputación solicita a colaboración da Xunta e do Estado para desenvolver este proxecto.