O obradoiro Santiago Besteiro Design gaña o Premio Nacional de Artesanía ao Emprendemento

O obradoiro do coiro do artesán Santiago Besteiro, na localidade lucense de Monterroso fíxose co Premio Nacional de Artesanía na categoría de Emprendemento. O galardón está outorgado polo Ministerio de Industria, Comercio e Turismo a través a través da Escuela de Organización Industrial (EOI) e da súa área de promoción de artesanía, Fundesarte. No seu obradoiro Besteiro deseña e elabora pezas artesanais de alta calidade, realizadas con materiais naturais e biodegradables. Un proxecto no que prima a investigación con novas formas e materiais, un deseño simple e funcional, e busca os máis altos estándares de calidade. O artesán realizou estudos de deseño na EASD Ramón Falcón de Lugo, onde se especializou en artes aplicadas á escultura en madeira. Logo graduouse en Belas Artes pola Universidad de Vigo. O premio, que está dirixido a empresas con menos de cinco anos, inclúe unha contía económica de 3.000 euros.