O deseño aplicado á cestería volveu destacar un ano máis nos Premios Artesanía de Galicia. A entrega de premios deste 2024 deixou un palmarés do que a máxima premiada é Julia de la Cal, artesá e deseñadora do obradoiro La Parabólica (O Porriño, Pontevedra), que coa súa peza #PERIFERIA01 foi quen de convencer ao xurado desta edición. O xurado sinala que esta peza mestura tradición, contemporaneidade e innovación tanto nos materiais coma no deseño e elaboración; unha peza de grande orixinalidade na que se intúe unha grande proxección e futuro. Julia de Cal, que tamén foi finalista dos Premios Nacionais de Artesanía, está interesada en explorar o papel das artes aplicadas nos modos de vida contemporáneos, cun enfoque transdisciplinario e dende o territorio común das artes e do deseño.
Na gala de entrega, á que asistiu o presidente da Xunta, Alfonso Rueda, tamén se rcoñeceou aos finalistas da categoría, as pezas JU, do autor Aitor Martínez López de Arbina, do obradoiro artesanal Aitor (Tomiño, Pontevedra) e Culeiros, de Santiago Besteiro García, do obradoiro artesanal Santiago Besteiro Design (Monterroso, Lugo). O Premio Traxectoria, que recoñece unha vida dedicada ao oficio artesán, foi para o vigués Albino Quinteiro Mora, artesán especializado no téxtil e cunha longa traxectoria como investigador, docente e divulgador dos oficios tradicionais. As tres bolsas Eloy Gesto 2024 foron para Carla Souto (A Coruña), Mónica Bastón, do obradoiro Leónlagata (Sanxenxo, Pontevedra) e Santiago Besteiro (Monterroso, Lugo).
Na gala de entrega, á que asistiu o presidente da Xunta, Alfonso Rueda, tamén se rcoñeceou aos finalistas da categoría, as pezas JU, do autor Aitor Martínez López de Arbina, do obradoiro artesanal Aitor (Tomiño, Pontevedra) e Culeiros, de Santiago Besteiro García, do obradoiro artesanal Santiago Besteiro Design (Monterroso, Lugo). O Premio Traxectoria, que recoñece unha vida dedicada ao oficio artesán, foi para o vigués Albino Quinteiro Mora, artesán especializado no téxtil e cunha longa traxectoria como investigador, docente e divulgador dos oficios tradicionais. As tres bolsas Eloy Gesto 2024 foron para Carla Souto (A Coruña), Mónica Bastón, do obradoiro Leónlagata (Sanxenxo, Pontevedra) e Santiago Besteiro (Monterroso, Lugo).
