Aneis da Colección Línea de Noroeste. Foto: Web Noroeste Obradoiro
"Por aplicar a filosofía de que as pezas sexan belas, sensibles e conteñan o imprescindible e só o necesario" o xurado designado polo Ministerio de Industria, Comercio e Turismo decidiu dar o Premio Producto de Artesanía ao obradoiro de ourivaría Noroeste, de Santiago de Compostela. Este galardón é unha das cinco modalidades dos XIV Premios Nacionais de Artesanía 2021.
O xurado destacou da colección de xoias Línea do obradoiro que "nace en torno ao concepto da liña, que pode ser simple ou composta, recta ou curva, pero sempre despoxada. Apenas cunha pegada para facela orgánica, pero deixando sempre presente o valor da simplicidade xeométrica e unha textura delicada sobre o metal, oro ou prata, que o converte en pel". O obradoiro Noroeste está situado na Rúa Travesa da cidade vella de Santiago e formado por dous artesáns, o vitoriano Antonio Ibáñez e santiaguesa Jose Castro.
