Co título Un poema para Laxeiro. Debuxos e pinturas abría as súas portas este 15 de decembro na Casa das Artes de Vigo unha nova exposición de homenaxe ao pintor. A proposta, comisariada por Xosé Antón Castro, integra a obra de Antón Pulido e Xosé María Barreiro, e supón a terceira mostra do Ano Laxeiro que se desenvolve en Vigo.
O proxecto pon a dialogar os estilos dos dous artistas participantes mediante obras recentes nas que contrasta a proposta figurativa de Barreiro coa abstracción de Pulido, e na que o cromatismo e a xestualidade marcan os puntos de encontro. Segundo o comisario, a selección de obras "tende un cordón esteticamente umbilical ao dobre Laxeiro, o figurativo expresionista e o abstracto".
En total son oito cadros dos dous autores, ademais de diferentes os que ocupan a área de exposicións temporais da Fundación Laxeiro na Casa das Artes, e que se poderán ver ata o vindeiro 19 de febreiro.
En total son oito cadros dos dous autores, ademais de diferentes os que ocupan a área de exposicións temporais da Fundación Laxeiro na Casa das Artes, e que se poderán ver ata o vindeiro 19 de febreiro.
