A Coruña acollerá a sede da Axencia Española de Supervisión de Intelixencia Artificial

Finalmente foi posible. A Coruña será sede da Axencia Española de Supervisión de Intelixencia Artificial (AESIA). Así o anunciou o Goberno trala xuntanza deste luns do Consello de Ministros. A Coruña competía cunha ducia de cidades de diferentes comunidades autónomas para acoller a este centro que terá como obxectivos a regulación dos procesos vinculados á intelixencia artificial. O ecosistema empresarial e de investigación da cidade coruñesa e de Galicia que teñen vinculacións con esta tecnoloxía foi determinante nesta designación.