O programa nace coa intención de "achegar a arte urbana á poboación, concienciar sobre a importancia de combater o feÃsmo e embelecer os nosos pobos". O novo proxecto, que conta co apoio da Federación Galega de Municipios e Provincias, dá continuidade á iniciativa Un toque de cor na Ribeira Sacra coa que se desenvolveron murais en diferentes localidades da comarca.
Ademais da propia elaboración das pezas ao vivo, que se poderán coñecer cunha visita guiada, o programa inclúe unha clase maxistral de pintura, impartida por Alba Fabre, un obradoiro de expresión artÃstica centrado en Patróns e xeometrÃa da natureza, a conferencia Os Murais de antes: temáticas e técnicas, impartida por Xoana Almar, e unha mesa de debate sobre a situación do muralismo en Galicia.