Esgrafiado en Castro Caldelas
Os esgrafiados, un tipo de decoración con debuxos realizados no revoco que se emprega de xeito tradicional nas casas da Ribeira Sacra, contan xa cunha publicación que recolle a súa riqueza nesta área. O Consorcio de Turismo Ribeira Sacra presentaba a pasada semana e ten xa dispoñible no seu web o libro
Esgrafiados na Ribeira Sacra. De tradición cultural a recurso turÃstico. A publicación recolle o resultado dunha investigación que analiza de xeito divulgativo esta técnica decorativa, repasa as súas caracterÃsticas e propón rutas para os coñecer.
O Consorcio leva xa varios anos a desenvolver accións de investigación e de recuperación destes bens patrimoniais, e o web desta institución sinala que se conservaban "na década final do século XX máis dun milleiro de edificacións decoradas con revestimentos de cal. Estamos ante a que posiblemente sexa a maior concentración de encintados e auténticos esgrafiados da PenÃnsula Ibérica en ámbito rural".
