Celebrar unha foliada cultural na eira do seu obradoiro na aldea de Merza, en Vila de Cruces. Esta é o proxecto que a recoñecida zoqueira Elena Ferro fará realidade este 17 de setembro coa celebración da primeira Foliada Eferro.
O programa conta cunha importante presenza musical que abrirá SilvaRedonda ás 12 e media da mañá. A experimentación de Mercedes Peón coa concorrencia continuará na sobremesa con Cê Orquestra Pantasma. As cantareiras da Tajea ás 18:30 e De Vacas ás 22 horas completan as propostas musicais.
A isto súmase o traballo de Viravolta Títeres, que porán en escena un romance de cego e mais a actuación de Nabiza Girl. O proxecto conta co apoio de Deleite, Estrella Galicia e o vermú Petroni. Ferro convida a toda a xente que teñen interese en asistir e anímaa a bailar neste encontro. A artesá anuncia ademais a súa intención de seguir a desenvolver actividades culturais na aldea.
