Unha xornada lembra a Roberto Vidal Bolaño en Compostela

O Centro Ramón Piñeiro acolle o dez de setembro esta iniciativa

O Centro Ramón Piñeiro acolle o dez de setembro esta iniciativa
Co título Roberto Vidal Bolaño, fálanos sempre, o Centro de Investigación en Humanidades Ramón Piñeiro celebra este dez de setembro unha xornada a rememorar o coñecido dramaturgo. O pazo de San Roque en Santiago de Compostela acolle esta iniciativa que contará con relatorios de Inma López Silva, Camilo Franco e Roi Vidal Ponte.

Canda a eles, o programa inclúe a celebración dunha mesa redonda que contará coa presenza de Cristina Domínguez, Manuel Guede e Roberto Pascual, outra que reunirá a Mónica Caamaño, Quico Cadaval e Laura Ponte, e unha terceira con Francisco Macías, Xosé M. Fernández Castro e Alberto Escudero.

O evento inclúe tamén un coloquio sobre as dúas montaxes da obra Rastros, que contará con Luís Iglesia, Pablo Carrera, Mateo Franco e Luís Blanco. Unha intervención da familia do homenaxeado fechará o encontro.