O Festaclown leva a Vilagarcía unha vintena de propostas

O encontro celébrase entre os días 17 e 21 de agosto

Desastronauts, Fran Boza, Fiesta ou Dani García, dentro do panorama galego, e propostas estatais e internacionais como Cía Vaya, Entre Nous, Rojo Telón, Trotamundos, Kanbahiota ou Javier Ariza compoñen o cartel do Festaclown. Vilagarcía acolle este encontro no que se da cita acrobacias, música, narración e clown entre os días 17 e 21 deste mes.

A seguir a liña de combinar o humor e a reivindicación, a cita este ano centrarase en mensaxes en contra das guerras. O proxecto continúa ademais coa intención de servir como mostra da produción galega no campo do circo a achegar unha escolma representativa das formacións galegas especializadas nesta disciplina. Un dos pratos fortes da edición será a Gala Solidaria que desenvolverá Pallasos en Rebeldía o domingo 21 como feche da programación.