Vigo abre hoxe os museos na Noite Branca

Este venres ten lugar en Vigo a Noite Branca, un proxecto do Concello para desfrutar e mostrar os museos e centros culturais da cidade nun horario excepcional e cun programa no que as coleccións e as exposicións se revisten de extensións musicais e outras actividades. Os dez espazos pertencentes á Rede Museística e Expositiva de Vigo abren as súas portas ata as dúas da madrugada para dar a oportunidade de saborear a cultura dunha forma moi especial. MARCO, Pazo - Museo Quiñones de León, Casa Galega da Cultura, Verbum, Xacemento Arqueolóxico da Vila Romana de Toralla, Museo Liste, Fundación Laxeiro, Casa das Artes, Finca Solita e Pinacoteca 'Francisco Fernández del Riego integran esta oferta nocturna que ademais do acceso inclúense visitas guiadas, concertos, obradoiros, etc. A iniciativa contén a súa filosofía de gratuidade, sostibilidade e participación.