Vigo celebra unha Noite Branca nos seus museos o día 9

O Museo Quiñones de León, o Verbum, a Pinacoteca Francisco Fernández del Riego, a Casa Galega da Cultura, a Casa das Artes, a Fundación Laxeiro, o MARCO, o Museo Liste e o Centro de Artesanía Tradicional son os espazos que fan parte o vindeiro venres 9 das actividades da Noite Branca en Vigo. O Concello organizou, no marco do seu programa de festas, este programa nocturno que inclúe concertos, visitas guiadas e teatralizadas e outras actividades para o vindeiro venres a partir das 19:30 horas. Dentro da proposta inaugurarase a exposición NOWHERE. Propostas fóra de lugar na Casa das Artes. Os centros permanecerán abertos ata ás dúas da mañá.