O TSXG obriga a modificar o BIC do Colexio dos Escolapios de Monforte

Unha sentenza do Tribunal Superior de Xustiza de Galicia considera que a declaración do Colexio dos Escolapios de Monforte, tamén coñecido como Nosa Señora da Antiga, como Ben de Interese Cultural non se realizou axeitadamente. A atender un recurso presentado polo concello do Cabe, a sala sinala que non cabe a inclusión da praza adxacente ao monumento, que a Xunta incluíu na orde de declaración, por non estar ben xustificada.

Segundo denunciara o Concello, a incorporación deste espazo realizouse con posterioridade á publicación da proposta inicial, sen contar con informes específicos sobre o seu valor patrimonial.

Ademais, na orde final non se modificou a categoría de "monumento" na que se inscribiron estes bens, que debería ter sido mudada á de "conxunto monumental". Contra a resolución do TSXG cabe aínda a opción de presentar recurso.