O recurso de casación que a Real Academia Galega presentara ante o Tribunal Supremo a solicitar a anulación total do Decreto para o Plurilingüismo no Ensino foi desestimado. Deste xeito, o alto tribunal avalía a resolución do Tribunal Superior de Xustiza de Galicia, que unicamente suspendera os artigos do texto referidos á consulta vinculante aos pais e á elección libre de lingua polos alumnos.
O Supremo coincide tamén co TSXG ao sinalar que medidas como "a paridade horaria que o decreto establece ou a distribución de materias que contén non poden cualificarse como arbitrarias, ilóxicas ou contrarias ao Estatuto de Autonomía ou á lei Galega de Normalización Lingüística". Na súa resolución, nega tamén o carácter consultivo da Real Academia Galega e non considera que o texto recorrido supoña unha vulneración da Carta Europea de Linguas Rexionais ou Minoritarias de 1992.
