O Tribunal Superior desestima a petición contra o BIC de Meirás

A solicitude de Carmen Franco de que se suspendese a declaración do Pazo de Meirás coma Ben de Interese Cultural, foi desestimada polo Tribunal Superior de Xustiza de Galicia. A propietaria deste ben patrimonial alegaba que a declaración supuña un alto custo para os propietarios e que se poderían producir danos patrimoniais no conxunto. No entanto, o Tribunal considera que estes supostos prexuízos son "de carácter hipotético, cando non irreais".