Danan o castro de Lestrobe en Trazo

O Seprona da Garda Civil investiga a agresión ao castro de Lestrobe, en Benza (Trazo), supostamente cometida por un veciño que abriu un parapeto para facer unha pista de acceso ao interior do xacemento. Nas fotos da Garda Civil apréciase un importante impacto na muralla do xacemento, que foi acometida para facer unha pista de acceso aos terreos cultivables da croa. O xacemento, catalogado pola Xunta, está localizado ao sur da aldea de Lestrobe e é un recinto fortificado que na actualidade consta dun terraplén e un parapeto que cingue un espazo circular.