O castro da Pastoriza
O concello de Arteixo expropiará os terreos onde está localizado o castro da Pastoriza, co obxectivo de poñelo en valor e realizar unha serie de intervencións que inclúen sinalética interpretativa e sendas, de acordo co proxecto realizado para o concello por Malde Arqueoloxía. As intervencións inclúen tamén a prospección por xeorradar do xacemento, co obxectivo de coñecer que tipo de estruturas están preservadas baixo a superficie. O xacemento consta dun gran recinto central rodeado por dúas murallas circulares concéntricas.