Patrimonio autoriza a instalación de tuberías baixo uns petróglifos en Arteixo

A Dirección Xeral de Patrimonio autorizou a intervención nunha estación de arte rupestre, composta por motivos circulares e coviñas, ubicada preto do lugar de Nostián (A Pastoriza/Arteixo) para permitir a instalación dun poliducto de Repsol dirixido ao porto exterior da Coruña. A intervención suporá a retirada temporal dos motivos circulares, ubicados na parte alta do conxunto, a partir dun corte na pedra. As tuberías instalaranse nunha zanxa por baixo da súa ubicación orixinal e, ao rematar a obra, os petróglifos serán restituidos na posición e postos en valor a partir de sinalética e paneis informativos.