Morre o profesor de paleografía Miguel Romaní

Hoxe á mañá coñeceuse a nova da morte do profesor da Facultade de Historia da Universidade de Santiago Miguel Romaní. Romaní era un referente no ámbito da paleografía e diplomática medieval galega, onde desenvolveu numerosos traballos de investigación de gran relevancia para coñecer a documentación medieval do país, así como para realizar edicións que permitiran a outros investigadores poder acceder a moitos textos medievais, moitas veces asociados a complexas circunstancias de lectura, datación ou interpretación.