O departamento de Cultura da Deputación da Coruña fixo público o listado de proxectos singulares aprobados para o vindeiro ano concedidos a partir dunha convocatoria que suporá un investimento de 238.606 euros. Os proxectos seleccionados deben achegar "valor engadido de carácter social, artÃstico ou patrimonial, a través de temáticas como a igualdade, a diversidade, a cohesión social, a memoria ou a innovación e a experimentación". Entre os proxectos seleccionados e presentados por diferentes empresas e profesionais, hai animacións stop-motion, espectáculos, difusión audiovisual da cultura mariñeira, documentais sobre creadoras literarias ou sobre espazos naturais ou eventos de deseño.
