O Goberno Central recúa e mantén Ría de Ribadeo como único topónimo oficial

O recurso que a Deputación de Lugo presentou ante a decisión do Ministerio de Transportes de aceptar como oficial o topónimo Ría do Eo, foi aceptado. Deste xeito, o organismo estatal recúa e "polo momento", a denominación Ría de Ribadeo será a única aceptada para este accidente xeográfico.

Segundo informa Nós Diario, a Deputación recibiu na mañá deste 27 de maio o comunicado coa resolución do Ministerio, que o pasado mes de outubro acordara admitir a denominación Ría do Eo, proposta desde Asturias. No entanto, o organismo estatal anuncia a vindeira elaboración dun informe para emitir unha resolución definitiva e motivada sobre a cuestión.