O Ministerio de Transportes achegará 3 millóns de euros a intervencións no patrimonio galego

O Ministerio de Transportes, Mobilidade e Axenda Urbana daba a coñecer este 15 de decembro os proxectos que financiará a cargo do fondo do 1,5% cultural. En total, o organismo investirá 3.072.041 euros en cinco iniciativas da man desta partida, que sumados a achegas doutras administracións completan uns fondos de 4.970.679 euros. A restauración da Casa da Veeduría da Coruña, orzamentada en 2.475.494 euros, e o proxecto cun maior investimento, do que o Ministerio achegará a metade. Tamén se financiará a Intervención nas cubertas pétreas e no sistema de evacuación de aguas pluviais do Castelo de San Felipe, en Ferrol, con 455.172 e, en Santiago de Compostela, a restauración do pavillón historicista e do muro perimetral de San Martiño Pinario contará con 1.148.005.

A mellora das instalacións museísticas da catedral de Tui, con 586.530 euros e mais a rehabilitación do Ben de Interese Cultural do Castro, no Barco de Valdeorras, cifrada en 305.475, son os outros proxectos que se apoian con estes investimentos.