O Ministerio de Fomento fixo públicas as achegas que realizará en Galicia mercé ao "1,5 por cento cultural", partida orzamentaria que dispón esa porcentaxe a partir do investimento en obras públicas. En total Fomento achegará máis de cinco millóns de euros a cinco obras: a restauración de dúas cámaras da Torre de Hércules (A Coruña), a Casa dos Coengos de Iria Flavia (Padrón), a rehabilitación e reforma da Praza de Abastos (Ourense), unha parte dun lenzo da muralla de Lugo e a rehabilitación do Hospital do Santo Espíritu de Baiona para biblioteca.
