Tal e como estaba anunciado, as catedrais de Lugo e de Compostela, as Torres de Oeste, en Catoira, e mais a torre do reloxo de San Rosendo de Celanova verán ao longo do vindeiro ano obras de recuperación. O ministro de Fomento, José Blanco, asinaba onte os convenios polos que o seu departamento investirá preto de 2,5 millóns de euros nestas actuacións, no marco do 1 por cento do orzamento de obras públicas que se destina a obxectivos culturais. Pero estas non son as únicas achegas que o Ministerio prevé ao noso patrimonio ao longo do vindeiro ano, coñéceas polo miúdo no noso dosier.
