Anuncian investimentos na recuperación da Lanzada, na muralla de Lugo e na Catedral de Mondoñedo

A Comisión Mixta do 1,5 por cento cultural do ministerio de Fomento anunciou que destinará máis de 1,2 millóns de euros á recuperación e financiamento de patrimonio cultural en Galicia. Esta resolución é dentro da convocatoria anual estatal do programa do "1,5% cultural" do Estado para investimento en patrimonio. Desta volta, en Galicia consolidarase o cubo VII e o lenzo interior da muralla romana de Lugo, no que Fomento achegará 161.988,75 euros, o que supón o 50 por cento do orzamento total, acondicionarase e urbanizarase o contorno da catedral de Mondoñedo (188.260 euros) no que supón o 75 por cento do orzamento total e en Sanxenxo rehabilitarase o pazo Quintáns como "museo da paisaxe cultural da Lanzada". Fomento asumirá o 75 por cento do orzamento total da actuación, o cal significa unh aachega de 903.923 euros.