Fomento inviste 3'8 millóns de euros na recuperación de patrimonio histórico galego

12 puntos de paso do Camiño Francés ao seu paso polas provincias de Lugo e A Coruña e a rehabilitación do Pazo de Liñares, un emblemático edificio do concello de Lalín, para o que se destinarán 2,4 millóns de euros son as obras aprobadas, de acordo coa lei do 1% cultural, na Comisión Mixta dos ministerios de Cultura e Fomento celebrada o xoves en Madrid.

O concello de Lalín adquiriu no 2002 o Pazo de Liñares. De estilo barroco, a rehabilitación incluirá a consolidación das fábricas existentes, a renovación das carpinterías e, en xeral, a adecuación do pazo a novos usos socio-culturais.