A segunda fase da rehabilitación da muralla da fortaleza de Salvaterra do Miño, en Pontevedra, contará con fondos do 1% cultural de obras públicas que xestiona o Ministerio de Fomento. En total serán 451.790 euros que se destinarán a recuperar o tramo sur da muralla desta construción do século XVII e mais a urbanizar o seu contorno. A administración local colabora no investimento ata totalizar os 602.387 euros nos que está orzamentada a actuación.
