O 1% cultural de Fomento financiará a recuperación de dous castelos

A sinatura, esta mesma mañá, de senllos convenios entre a Consellaría de Cultura e o Ministerio de Fomento, permitirá iniciar os traballos de recuperación dos castelos de Naraío e Santa Cruz. En total son 121.140 euros os fondos que achega o Ministerio a cargo do 1% que dos orzamentos en obras públicas se destinana a actuacións culturais. A eses cartos súmase outro 25% que achegará a Consellaría para permitir a restauración das fortalezas. No caso de Naraío prevese recuperar o muro perimetral da fortaleza entre outros traballos, mentres que en Santa Cruz consolidarase o muro exterior e acondicionarase o contorno da fortaleza.