O Consello da Xunta aproba un convenio para mellorar o castelo de Naraío

Naraío é un castelo medieval do século XII vinculado á casa dos Andrade. Está situado nas inmediacións do río Castro e foi declarado Ben de Interese Cultural. Agora, esta edificación entra nunha nova etapa ao aprobarse hoxe no Consello da Xunta un convenio entre a Consellaría de Cultura e o concello de San Sadurniño para acometer unha nova reforma. En total destinaranse 300.000 euros (o 75% achégao o Ministerio de Fomento con cargo ao 1% cultural e o 25% restante a Xunta) para a limpeza, restauración e consolidación dos muros do castelo.