Inaugúrase a primeira fase da rehabilitación do Castelo da Santa Cruz

A primeira fase das obras de rehabilitacion do Castelo da Santa Cruz, na Guarda, está xa rematada. A ministra de Fomento, Ana Pastor, inauguraba esta fin de semana os resultados desta actuación, que foi financiada nun 75% polo seu departamento a cargo dos fondos do 1% cultural. As obras que se presentaron incluíron a creación dun parque botánico, a consstrución dun paseo polo perímetro da fortaleza e a restauración de elementos como o pozo, a fonte e o pombal existentes no recinto. En total, a actuación contou cun orzamento de 1.033.931 euros, dos cales a Xunta e o Concello achegaron cadanseus 129.000 euros.