Foi unha das múltiples fortalezas que se construíron entre 1640 e 1668 ao longo do tramo final do Río Miño para defendernos durante a Guerra da Restauración. O Castelo de Santa Cruz na Guarda estaba nunha situación de deterioro e o concello desta localidade pontevedresa acaba de aprobar, por unanimidade, a solicitude da Consellaría de Cultura para a súa rehabiltiación. Superado este trámite administrativo, poderán iniciarse os traballos de recuperación dun edificio que contará cun centro de interpretación das fortalezas transfronteirizas do Miño.
