O Castelo de San Felipe, en Ferrol, acaba de recibir o maior investimento nunca feito polo Goberno Central para a súa recuperación. O Ministerio de Cultura aprobou recentemente achegar un total de 794.987 euros que destinarán a rehabilitación total da chamada Casa do Gobernador, no interior deste conxunto. Coa licenza de obra xa solicitada, esta previsto que a intervención fique rematada nun prazo de dez meses. A dirección dos traballos correrá a cargo do arquitecto Iago Seara, segundo adianta Diario de Ferrol.
