Peter Bagge protagoniza unha mostra monográfica en Pontevedra

Todo o mundo é imbécil menos eu. Peter Bagge e o cómic underground é o título da exposición que abre este 18 de maio no Pazo da Cultura de Pontevedra. Comisariada por Kiko da Silva, a mostra fai un percorrido polo traballo deste recoñecido autor estadounidense de banda deseñada, nunha colectánea de pezas orixinais sobre temas de actualidade que se poderá ver ata o vindeiro 17 de xullo.

A mostra fai parte dos actos da xira que está desenvolver o autor por Galicia. No marco da mesma, a libraría Paz de Pontevedra acolle na tarde deste mesmo 18 de maio unha sesión de sinaturas. Ademais, Bagge impartirá unha palestra ás 19 horas no Pazo da Cultura de xeito previo á inauguración da exposición.

O autor visitará posteriormente os establecementos Banda Deseñada de Vigo (19 de maio), Kómic de Santiago (20 de maio), cun encontro no Centro sociocultural O Ensanche, e mais a coruñesa Alita Cómics (día 21).