Unha mostra de Prado e unha mesa redonda en Cuenca amosan os nosos autores de BD no exterior

A biblioteca Can Fabra, en Barcelona, acolle desde o pasado 17 de abril e ata o vindeiro 17 de maio a mostra Geografies Humanes. A exposición permite ver planchas orixinais de Miguelanxo Prao estruturadas en catro ámbitos: a súa olladas sobre o futuro, a visión irónica do cotián, as illas físicas e persoais e mais os mundos e as travesías. Pola súa banda, Kiko da Silva participa o vindeiro 25 de abril nunha mesa redonda sobre “O cómic na actualidade” no marco da VI Feira do Libro e da Lectura de Castela a Mancha. Canda a el, no encontro debaterán Pasqual Ferry, Jesús Moreno e Carles Santamaria na Biblioteca Pública de Cuenca.