Incorporamos a Víctor Moscoso á nosa base de autores galegos de BD

A pasada semana saltaba a sorpresa na rede. O coñecido blog La Cárcel de Papel anunciaba ter descuberto as orixes galegas de Víctor Moscoso. Este recoñecido autor de cómic underground colaborou con publicacións coma o celebérrimo Zap Comix de Robert Crumb, Moscoso é tamén autor dalgúns dos máis coñecidos pósters da época hippy. Agora, despois de ter confirmado con seu fillo Justo que o autor é orixinario das proximidades da Coruña, aínda que emigrado xa de neno, incorporámolo á nosa base de autores de banda deseñada.