O Fórum Metropolitano da Coruña acolle o festival Falando a boca chea

Ata o vindeiro 30 de abril a narración oral ocupa o Fórum Metropolitano da Coruña coa sexta edición de Falando a boca chea. Para a tarde deste 26 de abril estaba prevista a sesión inaugural, a cargo do grupo amador "Cédoche a Palabra", que foi finalmente cancelada. Deste xeito será Cris de Caldas co seu "Un feixe de contos" quen abra a programación no día 27.

Canda a ela, unha ducia de espectáculos para diferentes públicos achegarán propostas no campo da narración oral, con nomes como Oswaldo Digón, Charo Pita, Quico Cadaval, Raquel Queizás, Paula Carballeira, Ramiro Neira e María da Pontragha a compor o programa.

A maior parte das actuacións serán de balde, aínda que para as que se desenvolven na Biblioteca Infantil será necesario reservar convite. Os espectáculos de Cadaval, Digón, Pontragha e Carballeira no auditorio do Fórum serán de pago.

O festival pretende ser "un punto de encontro para ás e os profesionais artísticos da narración oral, abrindo novas canles de comunicación para difundir as historias orais tradicionais e amosándolle ao público as ideas máis innovadoras neste eido artístico".